Hoi Du..
ih bi d Leonie u liidäschaftlechi Floristin. Scho wo ih chli bi gsi bini wahnsinnig gärn duss ir Natur gsi u chum hei di erstä Blueme blühit hetmä mi uf dr nöchstä Wiisä gfungä. Scho im Chindsgi bini lieber gah Blüemelä aus hei gah ässä. Für mi isch auso scho früeh klar gsi dsi mau Floristin wott wärdä! U itz isches so wiit ih darf mir mi Chindheitstroum erfüue u mi eiget Ladä uftue.
No chli öppis zu mir..
Ih bi momentan 20gii wohnä z Hasli u wagä mi miterä riisigä Vorfröid ii ds Abendtüür. Schöns Wätter u gueti Lüüt machä mi glücklech. Am Liebste hanis we aues grad vo Afang ah klappet u mängisch bini chli z sträng mit mir säubr... upsii;) Weni nid mau widr irgendwo Freiwiuuigäarbeit leistä odr schüsch öpperem ä Fröid machä bini eifach gärn kreativ uf aui Art u Wiis. Nöii Lüüt kennälehrä u Fründschaftä chnüpfä fingi toll u ih ha äs riisä Härz für Mönschä auso Familiä u Fründä sowie Frömdi u ou für d'Natur.
Hey u wär bisch du?
